¶ Sed contra hanc propositionem est quaedam opinio dicens quod deus nichil vult contingenter facere / quia aut illud velle simpliciter in se esset contingens quod non potest dici / cum illud velle sit deus et per consequens necesse esse Aut habitudo illius velle ad illud quod vult facere esset contingens / hoc non / quia non potest assignari que res esset illa habitudo vtrum ens rationis vel reale nisi ponantur quod sit ipsummet velle diuinum Et per consequens sicut ipsum est simpliciter necessariam sic et illa habitudo et per consequens necessario vult. Vnde finaliter concludit hec opinio quod deus producit quicquid producit absque hoc quod determinetur per aliquod velle intrinsecum ad producendum / et tamen dicitur voluntarie producere quia in sua potestate habetproducere et non producere Hec autemopinio falsa est nec sufficienter seipsam exprimit ideo dico breuiter quod sicut deus contingenter aliquid scit fore / sic contingenter aliquid vult facere. Nec ex hoc sequitur quod in deo vel dei scientia vel volitione sit contingentia intrinseca Vnde ad rationem oppositam dico quod nec velle diuinum quo vult aliquid facere nec eius habitudo ad illud est contingens sed simpliciter necesse esse / ipsum tamen velle est contingenter velle faciendi illud et habitudo est contingenter habitudo ad illud / sicut dictum est supra de praescientia respectu futuri contingentis et similis difficultas est vtrobique