Primum corollarium Nulla creatura esset omnis sua perfectio

primum corollarium dato quod gratia virtutes dona gratuita est formalis beatitudo concurrerent ydemptice in trinitate essentialiter cum subiecta alicuius intelligentiae nichilominus ipsa non esset omnis sua perfectio patet quia indigeret fine ipsam felicitatem

Item ipsa creatura non esset sua duratio quia ab eius esse esset separabile eius fore scilicet quod ly erit possit de ea negari

Secundum corollarium Esse simplex proprie causando non est ad extra proprie praedicatum communcabile

Tertium corollarium Secundum corollarium Esse simplex proprie loquendo non est praedicatum adextra communicabile patet quia non potest dari aliqua creatura quin habeat habitudinem dependentiae et conpositionis licet non realis tamen propter inmensum quaedam ex quo consurgit repugnantia simplicitatis sic quod esse simpliciter est de praedicatis perfectionalibus deo propriis inmediate dicentibus inmensitatem perfectionis Ita quod quaelibet tale est medium concludendi quod sit inmensae perfectionis etc

Tertium corollarium Supremum gradum est omnino indivisibils gradus perfectionis

Tertium corollarium Quamvis in qualibet creatura supra materiam primam semper ascendendo posset concedi quod reperiatur maior latitudo dependetur et potentialitatis supra tamen supremum gradum est omnino indivisibilis gradus perfectionis prima pars patet quia quanta res est dependentior tanto est potentialior id est tanto habet plures potentias quodammodo specifice distinctas patet nam species superiores percipiant naturam inferioris ut species humana participat naturam non viventium ut anima est forma Etiam ad modum vegetabilium nutrit corpus et hoc non est nutritive et cum angelis participat nutritive et sicut sunt gradus in natura corporali ita in spirituali unde licet angelus non inhaereat non tamen est negandum quin sit inhaesivus etiam quin sit vegetativus sed ex statuto divino et quia non congruit ordini universi non exercent talia

Secunda pars scilicet quod extra huiusmodi latitudinem etc patet de deo unde ymaginator quod non est de deo sicut de creatura Ideo omnes potentiae et actus ad intra sunt formaliter idem quia totum intellectuale et formaliter lux quia nisi sic non esset simplicissimus ymmo haberet aliquas conditiones limitatas quod non est sibi attribuendum

Quartum corollarium Gradus divinae perfectionis excedit immense totam latitudinem creabilium

Quartum corollarium licet sit unicus gradus indivisibilissimus immense tamen excedit totum latitudinem creabilium patet de deo

Quintum corollarium Aeternitas excedit in duratione totam latitudinem temporis imaginarii infinitam

Quintum corollarium quamvis aeternitas sit duratio simpliciter indivisibilis excedit tamen coram latitudine temporis ymaginarii a parte ante et a parte post etiam indu? Quantum aeternitas sit duratio omnino simultanea simplicissima patet per Boetium 5to Aeternitas est interminabilis vitae tota simul possessio Ibi ponit ad propositum quod aliud esset semper mundo coexistisse et coexistere deo in futurum quam mundum esse aeternum Anselmus deus sua duratione est ante creaturas et est post creaturas perpetue durattio non quidem temporali duratione sed in infinitum perfectiori modo quam sit successiva duratio Advertendum quod huiusmodi duratio posset ymaginari esse tempus licet non sit similitudo sufficiens dato etiam quod semper fuit tempus ymaginemur quod per modum lineae infinitae et concurrat ad punctam sic de corpore christi quod punctualiter concurrit sub quolibet puncto hostiae Et potest ymaginari quod concurret cum omnimoda simplicitate sic quod sit indivisibile quod unum corpus infinitum transsubstantiaretur in corpus finitum sicut corpus christi realiter in infinitum contineretur sub quolibet puncto temporis finiti

Sequitur quod si deus ab aeterno produxisset intelligentiam perpetuo duraturam illa non esset aeterna Causa est quia sua duratio esset divisibilis quia consequens potest separari a futuro Ita quod in aeternitate totum est simul sic quod non potest fore separari ab esse et sic aeternitas includit totum simul et inseparabiliter scilicet esse fore et fuisse et sic non est de duratione cuiuscumque creaturae quia quaelibet potest non esse et sua duratio est passiblis partibilis et potest non esse

Sextum corollarium Quod Pater et Filius sunt idem gradus perfectionis simpliciter et sunt idem gradus indivisibilis

sequitur ulterius quod pater et filius et spiritus sanctus sunt idem gradus perfectionis summa identitate et idem gradus indivisibilis Ita quod tres personae non sunt nisi unica simplicissima perfectio et indivisibilis licet tamen inmensa

Sequitur quod pater et filius et spiritus sanctus habent eandem durationem et aeternitatem et per consequens filius aeque primo est sicut pater quia quaelibet persona est aeterna et aeternitas et illa non est partibilis et per consequens filius et spiritus sanctus aeque primo sunt sicut pater durative

Sequitur quod in divinis non debet ponit prioritas originis quo ad signa vel instantia sicut doctor subtilis ymaginatur unde ymaginatur quod quia adintra est emanatio personarum oportet quod servetur ordo naturae et naturalis prioritas pater debet considerari in primo signo et quia filius emanat patre filius consideratur tamquam secundum signum seu instans et 3o spiritus sanctus Istud non stat quia eadem duratio adaequate correspondet cuilibet ergo absolute aequae primo quilibet eorum est

Item instans originis quodcumque signetur illud est idem cum instanti aeternitatis et est formaliter aeternitas igitur est omnium trium personarum mensura vel capiamus 2m instans quod mensurat personam filii oportet quod sit aeternitas ergo erit communis omnium personarum mensura

Item sequeretur quod aeternitas praecederet filium aliquo modo et esset prior filio quia aeternitas mensurat patrem pro primo signo ergo est ymaginabilis aeternitas quae est extra durationem filii

Item sequeretur quod filius in primo instanti haberet potentiale esse quia in primo instanti originis non haberet esse ymmo inciperet esse quia tunc non esset et hoc post foret quod videtur repugnare divinae immensitati

Item in primo signo non esset pater quia in primo signo non producit filium ergo etc

Septimum corollarium Productio personarum divinarum naturam poni potentialitatem successivam vel etiam mutationem

Septimum corollarium productio divinarum personarum nullam ponit potentialitatem successionem vel mutationem patet quia licet filius producatur a patre nichilominus est aeque cito sicut pater aeque perfectus et aeque aeternus ymmo eadem perfectione cum patre

sequitur quod filius est ydemptitate illa perfectio et excellentia quia pater potest producere filium patet quia omnis paterna et excellentia est filius ergo si sit alicuius dignitatis posse producere filium illa est infinitio etc

Octavum corollarium Licet divina essentia sit ad intra communicabilis, non tamen ad extra

Octavum corollarium licet divina essentia sit ad intra communicabilis non tamen adextra

Consequenter propter difficultatem tantam in uno argumento de productione filii ex quo producitur a patre videtur imitari Advertendum quod productio vel generatio in creaturis multa importat de communi concursu scilicet modum agendi limitatum et inceptione rei quae producatur etiam indigentiam et dependentiam effectus a sua causa etiam communicationem perfectionis

Breviter omnes habitudines dicentes inperfectionem in creaturis debent removeri et sic idem quod remanet scilicet communicare perfectionem non tamen indigenti non dicit inperfectionem ubi recipiens non est indigens et ubi communicans communicat illam perfectionem quam habet Radius dependet a sole et licet sol communicet radio perfectionem non tamen perfectionem conservativam si tamen communicaret radio perfectionem conservativam sui in illo casu radius non dependeret a sole sed haberet sufficientem virtutem et perfectionem et sic licet pater producat continue filium filius tamen non est indigens quia est aeque primo perfectus sicut pater quia est summe sufficiens et habet totam nobilitatem patris ideo non dependet a patre et non indiget perfectione quia habet eam unde indigentia non est nisi respectu boni existentis in alio non habenti ab indigente et sic res non dicitur dependere ab alio nisi quod caret bono existente in alio non habito a dependente Ad emanationem tamen requiritur productio et illa non includit conditionem quamcumque inperfectionis quia omnis perfectio est infinito quae est in patre cum hoc quod producitur et sic non oportet filium mutari nec dependere Ideo respondetur quod filius non est mutabilis nec dependens quia tota auctoritas in patre quae dicit perfectionem est in filio etc