Et si dicatur, quod phantasma sub lumineintellectus agentis repraesentare potest vniuersale, quamuis non sub proprio lumine, sicut videmus de noctiluca, quod in lumine diei repraesentatur colorata; in lumine vero noctis, vt lucida; non valet quidem, quia lumen non est formalis ratio repraesentatiua, sed tantum est id, in quo, vel quo aliquid repraesentatur: & ita diuersitas luminis non facit ad diuersam rationem repraesentationis, nisi ipsa species ex se, & in se haberet hanc duplicem rationem reprae sentatiuam: quod esse non potest, quia tunc idem mensuratum haberet duas mensuras, cum species repraesentans mensuretur ab obiecto repraesentato.