Praeterea: Nullum agens vniuocum potest inducere formam altioris gradus, quam sit ipsum, quicquid sit de agente aequiuoce, hoc autem patet ex dicto Auicen. 6. Metaphysicae, & item ratione, quod nullum agens dat, quod non habet vel virtualiter, & formaliter; agens autem motum non continet effectiue virtualiter sed formaliter tantum: non continet autem gradum superiorem se in gradu perfectionis, sed videmus ad sensum, quod calor minor augmen tat maiorem. minus enim calidum potest subie ctum aliquod conducere ad maiorem calorem, quam habeat ipsum, vnde ferrum ignitum est calidius, quam sit ignis lignorum. ergo impossibile est, quod calor ferri sit vna simplex forma a calore lignorum in vltimo instanti inducta, alias forma imperfectior induceret formam maioris perfectionis, sed oportet quod gradualiter intendatur calor, qui est in ferro per additionem partium caloris corre spondentium proportionaliter calori lignorum. Et si dicatur, quod verius de pipere, quod inducit maiorem calorem, quam habeat in seipso, non valet, quia piper non est calidum actualiter, sed tantum in virtute, & iterum si dicatur, quod hoc est pos sibile propter dispositionem subiecti, vt forma inferior perfectionem introducat. Non valet etiam quia quantumcumque subiectum sit dispositum, perfectio formae effectiue non est a subiecto, nec ab ipsius dispositione, sed oritur, & profluit a forma agentis, cuius virtute conducitur ad esse; quod autem imperfectum ducat ad esse perfectius, intellectus non capit.