sequitur ulterius quod nos omnes essemus nobiles nisi sponte degeneraretur et sponte Reduceretur in servitutem ultimam. patet quia habemus nobilissimum patrem, quia genus ipsius summus ut dicit apostolus. Ex hoc sequitur admiranda peccati turpitudo, scilicet, Relinquendo generis nobilitatem et Ius hereditatum ad Regnum aeternum infinitum. et vilissime servituti subiciendo accendendo etiam habitudinem dei et Regis nobilissimi nobis semper praesentialiter existentis et dirigentis in bonum. Et ideo non est mirandum si maxima pena debeat talibus infligi, quia praeferunt vilitatem culpae honori Regio, et honorem Regium post ponendo vilitati peccati unde peccatum est adversio a summo bono minus bonum cle praeeligendo