Sequitur ulterius quod ad deum diligendum fruitive in via, non obligamur primo modo, nec etiam obligamur ad tantum gradum perfectionis, quia numquam repertum est in scriptura sacra expresse quod teneatur ad tantum actum, nec quod deberemus eligere non esse efficaciter fides placeret. Unde advertendum est quod si occurrat huiusmodi materia alicui non obligato debet tollere huiusmodi materiam et se suspendere a consideratione huius materiae tanquam periculosum verbi gratia in causu in quo creaturam oportet eligere se non esse vel deum non esse quid creatura eligere creatura non debet huiusmodi materiam considerare, sed debet tollere tamquam periculosum, quia ipsa non obligatur ad huiusmodi actum supremum electionis, sed debet elicere actum suspensivum.