Quinta conclusio est, quod simpliciter, & absolute videtur esse grauius peccatum viri quo ad temperantiam, vt dictum est: sicut enim brutis non imputatur in culpam: quia nullum habent retractiuum, sic minus mulieribus quae minus habent de ratione, & plus iuris qui plus habent de ratione: quia qui minus habet de retractiuo etiam si minus habet de attractiuo, minus potest continere, quam qui plus habet de vtroque: sicut aliquis per temperantiam infusam melius continet contra graues tentationes, quam habens acquisitam contra leues: vnde etiam viri perfecti quasi nihil reputant vehementes motus carnis: quos imperfecti non possent sufferre sine consensu: vnde faciet cum tentatione prouen tum, & fortioribus fortiora martyria reseruauit, vt Laurentio, quae sixto.