Potest intelligi per partem cogitatiuam, intellectus speculatiuus: & per partem, quae dicitur intellectus, intellectus operatiuus. Et ideo d. pars enim cogitatiua non videt, &c. i. pars speculatiua non consyderat de rebus operatiuis, neque de aliqua re vtili quaesita, neque de aliqua re nocente fugita: motus autem in loco non inuenitur nisi aut in quaerente, aut in fugiente. D.d. Neque est etiam ex eis, &c. i. neque est etiam pars intellectus, qui innatus est consyderate in quaesito, & fugito: & excitat membrum mobile ad motum ad rem delectabilem, aut membrum mobile in timore ad motum vt accidit nobis, quando imaginamur aliquod delectabile aut timorosum, quod membrum proprium illi delectabili mouetur in nobis, & cor constringitur tunc ex illo timoroso: & intellectus nihil videt ex hoc: sed videmus ipsum moueri ex illo timoroso, aut ad aliud delectabile: Et hoc intendebat cum d. cor autem, &c. ita cecidit in scriptura. Et forte diminuitur ex ea tantum, quod intentio esset ista, scilicet cor autem mouetur ex timore, aut ex delectatione, quando aliud membrum delectatur. & demonstrat hoc, quod inuenimus in alia translatione. scilicet multonens cogitat intellectus in aliquo timoroso, aut in aliquo delectabili, sed non propter hoc: erit timor, aut delectatio, cor autem mouetur motu timoris, sed non ex intellectu, & cum cogitauerit in aliquo delectabili, tunc membrum aliud a corde mouetur motu delectationis,