Si vero posuerimus quod intellectus materialis non est admixtus materiae, tunc ille sermo erit verus scilicet quod illud, quod est magis visibile, magis comprehenditur. Tquoniam quod comprehendit minus perfectum ex eis comprehendentibus, quae sunt non admixta materiae, necesse est vt comprehendat perfectius: & non econtrario. Sed, si hoc est necessarium de natura eius & substantia, continget quaestio praedicta, quae est, quo modo non continuatur nobiscum in principio, vt statim quando intellectus materialis continuatur nobis cum. Si igitur posuerimus quod in postremo continuatur nobiscum, non in primo, debemus reddere causam.