Oportet igitur prius perscrutari vtrum sit possibile quod intellectus materialis intelligat res abstractas, aut non. Et, si intelligit eas, vtrum est possibile vt intelligat eas, secundum quod est copulatus nobiscum, aut non. Et ideo possibile est quod in exemplari, a quo transtulimus hunc sermonem, ceciderit haec particula, non, ita quod sic debeat legi. Et cogitatio nostra erit in postremo utrum possit intelligere aliquam rerum abstractarum cum hoc, quod est non abstractus a magnitudine, idest: secundum quod est tangens magnitudinem, & copulatus nobiscum, ita quod nos intelligamus illum intellectum, quem ipse intelligit. & ista perscrutatio. quam intendit, valde est difficilis, & ambigua. & oportet nos perscrutari de hoc secundum nostrum posse.