Cum demonstrauit similitudinem inter intellectum & sensum in indigentia subiecti, a quo recipiunt intentiones: quas comprehendunt, incoepit modo declarare quod proportio istius intellectus materialis ad imagines numeratas secundum species sensibilium est, sicut proportio sensus com munis ad diuersa sensibilia, & d. Et quemadmodum aer, &c. i. & sicut declaratum est quod aer mouet visum, & mouetur ab alio: & similiter auditus mouetur ab aere, & aer ab alio, quousque perueniat motus in omnibus sensibus ad vnum finem, qui est in illis motibus, quasi punctus, qui est medium circuli de lineis exeuntibus a circunferentia: ita est de intellectu materiali cum intentionibus imaginantium intellectis.