Idest & praedicare per intellectum aliquid de aliquo, sicut affirmatio, & negatio, est compositio per actionem intellectus. & omne compositum est verum, aut fallum in intellectu. id est in materiali semper inueniuntur veritas & falsitas admixtae. & hoc est proprium huic intellectui. D. incoepit declarare quod hoc non est proprium omnibus actionibus istius intellectus, sed tantum actioni, quae dicitur fides, non formatio, & dixit. Et non omnis intellectus, &c. i. & non in omni actione istius intellectus inueniuntur falsitas, & veritas admixtae: sed actio quae est informatio, est semper vera, non actio, quae est praedicare aliquid de aliquo. D. incoepit narrare quod hoc quod accidit intellectui, est simile ei, quod accidit sensui, & quod eadem est causa in hoc, & d. Sed quemadmodum actiones, &c. i. sed causa in hoc est eadem cum causa in sensu. Quemadmodum enim actiones propriae visui, scilicet comprehendere colorem sunt verae in maiori parte: sentire autem album esse Socratem, aut Platonem non semper est verum, sed multotiens accidit in eo falsitas: ita erit dispositio intellectus, scilicet quod semper est verus in sua actione propria. fides enim accidit ei, nisi quia intellectum eius est materiale, id est compositum. Et, cum d. ita est dispositio eius, quod est abstractum a materia. intendebat ita est dispositio intellectus materialis, qui est ab¬ stractus a materia in suis comprehensionibus scilicet quia veridicat in prpopriis sibus scilicet in formatione, & falsat in eis, quae non sunt propria. Et poet intelligi sic. ita est dispositio intellectuum, quorum intellectum est abstractum a materia in hoc, quod semper veridicat: cum non inueniatur in eis actio, quae est per accidens, quia suum intellectum est abstractum a materia.