Cum declarauit naturam intellectus, qui est in potentia, & qui est in actu, & dedit differentiam inter ipsum & virtutem imaginationis, incoepit declarare quod necessarium est tertium venus intellectus esse: & est intelligentia agens, quae facit intellectum, qui est in potentia, esse intellectum in actu. Et dixit, quod ita est in ponendo intelligentiam agentem in hoc genere entium sicut est dispositio in omnibus rebus naturalibus. quemadmodum enim necesse est in unoquoque genere rerum naturalium generabilium & corruptibilium esse tria ex natura illius generis, & ei attriouta, agens scilicet patiens, & factum, ita debet esse in intellectu. Et dixit. Et quia, quemodmodum in natura. i. & quia ita est hoc sicut in rebus naturalibus. i. & quia consyderatio de anima est consyderatio naturalis, quia anima est vnum entium naturalium: rebus autem naturalibus commune est vt habeant in vno quoque genere materiam, & est illud, quod est in potentia omnia, quae sunt in illo genere, & aliud, quod est causa & agens, & est illud, propter quod generatur omne, quodest illius generis, sicut est artificium apud materiam: necesse est, vt hae tres differentiae sint in anima.