Deinde dicit. Et ipse tunc poterit intelligere per se. idest &, cum intellectus fuerit in hac dispositione, tunc intelliget se, secundum quod ipse non est aliud nisi formae rerum, inquan tum extrabit eas a materia. quasi igitur se intelligit ipse modo accidentali, vt dicit Alexan. i. secundum quod accidit intellectis rerum quod fuerint ipse, i.¬ essentia eius. Et hoc est econtrario dispositioni informis abstractis. illae enim tum intellectus earum non est aliud ab eis in intentione, per quam sunt intellecta istius intellectus, ideo intelligunt se essentialiter, & non accidentaliter. & hoc perfectius inuenitur in primo intelligente, quod nihil intelligit extra se. Et possumus exponere istum locum, secundum quod Alfarabius dicit in suo tractatu de intellectu, & intellecto. & est quod, cum intellectus fuerit in actu, erit unum entium, & poterit intelligere seipsum per intentionem, quam abstrabet a se, secundum quod abstrabit intentiones rerum, quae sunt extra animam. & sic intellectum habebit intellecta. & nos perscrutabimur de hoc, vtrum sit possibile, aut non.