D.Declaratum igitur est ex hoc sermone quod animalia moriuntur, quando caruerint tactu, & quod impossibile est vt iste sensus non existat in anima li, dum animal est animal: quod non est de aliis sensibus. non enim est necessarium vt animal habeat alium sensum praeter tactum. & propter hoc, dominium & vigor aliorum sensibilium non corrumpunt animal, v. g. fortis color, & fortis sonus, & fortis odor: sed tantum corrumpunt sua instrumenta propria: nisi per accidens, verbi gratia, quando cum sono fuerit magna percussio. & similiter de colore, & odore. sapores autem nocent animalibus essentialiter mediante oustu: gustus enim est aliquis tactus. sed qualitates corrumpentes animalia sunt tangibiles, verbi gratia calidum, frigidum, & durum.