Deinde dixit. Necesse est igitur vt sensus sit in animalibus, &c. i. & apparet quod necesse est vt sensus sit in omni animali, & hoc, quia natura nihil facit ociose. Omnia 7 enim naturalia aut sunt propter aliquid, aut sunt accidentia consequentia naturam de necessitate, & non intenduntur. v. g. pili, qui oriuntur in locis non determinatis in corpore. &, cum ita sit, si animal non haberet sensum, cum hoc quod est ambulans, statim corrumperetur anteque perueniret ad complementum: & tunc natura ageret ociose, cum incoepit generare entia, quae non possunt peruenire ad finem in maiori parte, aut omnino. Notum est igitur quod necesse est, vt virtus sensibilis sit in animalibus ambulantibus de necessitate, scilicet quaerentibus nutrimentum.