Commentum 59

Cum compleui: sermonem de omnibus virtutibus animae vniuersalibus, vult demonstrare quae est ex eis in animalibus propter necessitatem, & quae propter melius, & d. Necesse est igitur vt anima nutritiua sit in omni viuo de prima generatione vsque ad corruptionem. Necesse est enim vt omne habens animam, habeat crementum & diminutionem: cum impossibile est vt subito veniat ad suam perfectionem postremam, sed descendendo paulatim, & intrando in senectutem. Et, quia causa crementi nihil aliud est quam nutrimentum, & causa diminutionis nihil aliud est qua defectus cibi, & eius paucitas: necesse est vt anima nutritiua sit in omni, quod crescit, & senescit. & quia omne viuum est tale, necesse est vt omne viuum sit nutribile.