Commentum 45

D.Et oportet etiam secundum hunc modum vt ista virtus mouens in loco sit alia a sensu. multa enim animalia sentiunt, sed non mouentur omnino, Et necesse est vt ista animalia non moueantur omnino, quoniam, cum natura nihil facit ociose, i. nullum membrum facit sine iuuamento, neque diminuit in rebus necessariis, i. neque abstulit animali membrum, in quo habet iuuamentum necessarium, nisi hoc sit propter occasiones contingentes in minori parte, vt digitus sextus. Et ista animalia non mota non habent instrumentum ambulandi, & sunt cuin hoc perfecta non monstruosa. & signum eius est, quod generant sibi similia, & habent in sua vita ascensum & descensum, sicut alia entia naturalia, quorum esse est naturale. ergo necesse est vt sint animalia non mota: & ideo non habent membra motus. Et debes scire quod non vtitur in loco communicantiae in destruendo has virtutes esse motiuas, nisi ita, quia suum quaesitum est causa propinqua motus. &, si non, tunc sensus est vna causarum istius motus, sed cam remota.