Commentum 12

Cum dedit differentiam inter intelligere & imaginari, reuersus est ad dubitandum de intellectu passibili, & dixit. Et dubitat homo, &c. idest & dubitat homo in hoc, quod dictum est, quod intellectus materiali. est sim plex & non passibilis: quia non existimatur ipsum habere communicationem aliquam cum re materiali, sicut dixit Anaxa. & sicut declaratum fuit prius. Questio autem est: quomodo intelligatur quod formare per intellectum sit passio, idest de genere virtutum passiuarum, & nullam habeat communicationem cum re, a qua patitur: quoniam per aliquod commune agenti & patienti existimatur hoc agere, & hoc pati. Nisi enim esset materia non esset passio. &, cum posuerimus intellectum non esse materiam neque in materia: quomodo igitur intelligemus cum hoc quod intellige re est passio, non actio. Sumus igitur inter duo, aut ut non ponamus quod intelligere est in capitulo passionis: aut ponamus quod intellectus materialis communicat corpori, quem admodum forma imaginationis mouens ipsum communis est corpori.