Commentum 10

Dicit. Ipsa igitur, &c. i. & cum necesse est experimentare res diuersas per virtutes diuersas, & per sentiens autem, & per sibi similia experimentatur anima calidum & frigidum, & sibi similia, necesse est secundum exemplum vt res existens in carne, per quam caro est quod est, & non illud, per quod est calida aut frigida, sit similis virtuti comprehendenti eam & vt experimentetur per aliam virtutem. Et dixit, assimilantur eis, quae sunt illius, quia necesse est vt proportio, quae est intentionis ad intentionem scilicet indiuidualis ad vniuersalem, sit sicut proportio virtutis comprehendentis alteram earum ad uirtutem comprehendentem alteram. Et, cum necesse est vt duae intentiones sint diuersae, necesse est vt virtutes sint diuersae. Intelligens igitur non est imaginatiua: cum iam declaratum est quod comprehensio virtutis imaginatiuae & sensibilis idem est.

D. d. Et experimentatur per aliud, aut secundum dispositionem lineae, &c. i. & necesse est vt forma experimen tetur per aliquam virtutem. & hoc erit ex hac virtute, aut per dispositionem similem lineae rectae, cum intellexerit primam formam existentem in hac re singulari: aut secundum dispositionem similem lineae sphaerali, quando fuerit reuersa, quaerendo intelligere etiam quiditatem illius formae, deinde quiditatem illius quiditatis, quousque perueniat ad simplicem quiditatem in illa re. v. g. quod primo intelligit quiditatem carnis, deinde quaerit intelligere quiditatem istius quiditatis, deinde quiditatem istius quiditatis: & hoc erit, dum inueniet quiditatem in quiditate, & non cessabit quousque perueniat ad formam simplicem. Et hoc intendebat, cum dixit, quai diu durat. i. quod istud intelligetur intellectum erit similiter i carne, dum erit possibile i carne quod quiditas eius habetat quiditatem,