Sed considerandum est quod quamvis intellectus possibilis semper intelligat intellectum agentem per eius substantiam modo praedicto, modo ista intellectio non denominat aliquid individuum hominis, ut puto, quia non dependet a phantasmate alicuius hominis, nec omnium. Immo etiam intellectio similis huic intellectioni, scilicet qua intelligit intellectus agens, non contingit nobis perfecte in principio generationis philosophiae nec in medio, sed forte in complemento, et de hoc debet inquaeri in consequentibus.