Item ad alietatem specificam concpetus abstracti, sequitur alietas conceptus concreti sibi correspondentis, sed ad divisionem imaginariam per impossibile rei simpliciter simplicis aliam conceptum abstractum specificum causabit res quam prius causavit totum, quia abstractus causabilis a toto significaret totum et causabilis a parte praecise partem, ita quod generaliter ad variationem specificam rei, sequitur diversitas et varietas proprii conceptus abstractu sui, igitur si velis vocare dei tatem per causa, in qua divisisti illam rem, quae Deus est, licet habeas nomen, etc. Tamen non habens conceptum eundem abstractum individualem vel specificum qui tunc per se significaret partem cum illo, qui modo significat totum sive Deum secundum unitatem simpliciter simplicem, et si non eundum absolutum non eandem eundem concretum non eandem propositum mentalem, licet eandem vocabulem, quia bene eadem vox posset aequivoce correspondere unicuique conceptui. Et si hoc, tunc non habens eandem propositum indifferenter verum, tunc et nunc, cui tamen medio totaliter innititur iste doctor, et tunc nihil valet nec aliqem colorem habet ista consequentia B non est sapiens 'in quid' sit B altera partium, in qua divisisti Deum et quam vocas, tunc deitatem, igitur 'A non est sapiens 'in quid'', quia sapientia non est essentia nec pars essentiae significatae per subiectum antecedentis, sicut est essentia vel pars essentiae significatae per subiectum consequentis.