SecundaB: Quod Deus est 'in quid' sapiens, sicut est 'in quid' sapientia S conclusiosecunda conclusio S est de concretis propriis correspondentibus abstractis conceptibus positivis et mere absolutis, de quibus processit praecedens conclusio. Et est haec: quod utercumque conceptus absolutus talis praedicatur 'in quid' de Deo vel de deitate utendo istis vocabulis, sicut prius[?] concretum eiusdem praedicatur 'in quid' de Deo. Ita quod, sicut haec est 'in quid': 'deitas est sapientia', ita secundum veritatem sit haec: 'deitas est sapiens' vel 'hic est sapiens' demonstrando rem illam, quae Deus est. Hoc probatur: primo, quia cuicumque praecise eodem sui conveniunt conceptus abstractus talis, de quo supra, et concretus, si illi conveniat 'in quid' conceptus abstractus convenit et concretus 'in quid'. Haec patet inductive, nam quia eodem sui positus est Deus entitas et ens, ideo sicut est 'in quid': 'hoc est entitas', ita est 'in quid': 'hoc est ens', et e converso. Et quia eodem sui est deitas et Deus, ideo sicut haec demonstrata deitate est 'in quid' 'deitas', ita est in quid 'Deus'. Sed Deus eodem sui omnimodo est 'sapientia' et 'sapiens', 'volitio' et 'volens', 'intellectio' et 'intelligens', et sic de similibus. Igitur sicut Deus est 'in quid' 'intellectio', 'volitio', et 'sapientia', ita est 'in quid' vel in quali substantiali 'intelligens', 'volens', et 'sapiens'.