Verum substantiae tres sunt, Vna sensibilis: cuius quaedam sempiterna, quaedam corruptibilis, quam omnes concedunt, veluti plantae, & animalia. Sempiterna vero, cuius elementa, siue vnum, siue multa sint, accipere necesse est. Alia immobilis, quam aliqui separabilem aiunt esse quidam in duo diuidentes, quidam in vnam ponentes naturam tam formas quam mathematica, quidam ex his mathematica solum.