http://scta.info/resoure/Ou7yHg-d1e114/cod-i3uyer/transcription

Incipit Tertia

Subito est, quod est preter spem, ex non apparente ad manifestum adductum. In benignitate autem secundum Christum, et hoc arbitror theologiam significare ex occulto supersubstantiali ad nostram manifestationem humane substantiam factum pervenisse. Occultus autem est et post manifestationem, aut, ut divinius dicam, et in manifestatione. Et hoc enim Ihesu absconditum est, et a nullo sermone, nulla mente quod secundum ipsum est eductum, set et dictum ineffabile manet et intellectum ignotum.